Fransiya elchixonasi: «Milliy jamoaning JChdagi 26 futbolchisidan 23 nafari Fransiyada tug'ilgan»

Fransiyaning Ispaniyadagi elchixonasi mamlakat milliy jamoasining barcha futbolchilari fransuz ekanini eslatdi.

«Bahs-munozaraga kirishishni istamagan holda ayrim faktlarni eslatib o'tishni lozim deb bildik.

Fransiya milliy jamoasining barcha futbolchilari — mamlakat fuqarolaridir. 26 nafar o'yinchidan 23 nafari Fransiyada tug'ilgan. Mamlakat tashqarisida tug'ilgan 3 nafar futbolchi ham Fransiya fuqarosi hisoblanadi», — deyiladi elchixona bayonotida.

Avvalroq Ispaniyaning sobiq bosh vaziri Mariano Raxoy 2026 yildagi Jahon chempionati yarimfinalidan o'rin olgan Fransiyaga qarshi o'yin haqida gapirar ekan, shunday degandi: «Ularda ajoyib tarkib bor, faqat fransuzlar yo'q. Menda biz g'alaba qozonamiz, degan ishonch bor».

Shuningdek, Argentinaning Mendosa viloyati vitse-gubernatori Ebe Kasado Fransiyani «odobsiz afrikaliklar jamoasi» deb atagandi. Keyinchalik amaldor o'z so'zlarini irqiy kamstitish deb hisoblamasligini ma'lum qildi. Mojaro ortidan Fransiyaning Argentinadagi elchixonasi Kasadoni «persona non grata» (istalmagan shaxs) deb e'lon qildi.