«Manchester Yunayted» vinger Meyson Grinvudni ortga qaytarish imkoniyatidan foydalanmaydi.
Bu haqda ishonchli insayder Fabritsio Romano xabar berdi.
Manbaga ko'ra, mankunianliklar «Marsel»ga Grinvudni qayta sotib olish bandini faollashtirmasligini ma'lum qilgan. Endilikda Fransiya klubi futbolchiga qiziqish bildirayotgan «Fenerbahche» bilan rasmiy muzokaralarni boshlaydi.
Qayd etilishicha, transfer amalga oshsa, «Manchester Yunayted» futbolchining keyingi sotuvidan foiz olish bandi orqali taxminan 11,7 million yevro ishlab oladi.
2025/26 yilgi mavsumda Grinvud barcha musobaqalarda 45 ta uchrashuvda maydonga tushib, 26 ta gol va 11 ta assist qayd etdi.
