Fransiya milliy jamoasi hujumchisi Kilian Mbappe JCH-2026 to'purarlari ro'yxatida Lionel Messiga yetib oldi.
Argentina sardori chorakfinalda Shveysariyaga qarshi bahsda (3:1) gol ura olmadi. Mbappe esa Marokash darvozasini ishg'ol qilib, mundialdagi gollari sonini 8 taga yetkazdi.
Shu tariqa, Mbappe va Messi turnirning eng yaxshi to'purarlari ro'yxatida 8 tadan gol bilan peshqadamlikni bo'lishib turibdi.
Qayd etish joiz, Messi bungacha guruh bosqichining ilk turidan boshlab har bir bosqich yakunida to'purarlar poygasida yakka peshqadam bo'lib kelayotgandi. U turnirni Jazoir darvozasiga kiritgan het-trik bilan boshlagan edi.
JCH-2026 yarimfinalida Argentina Angliya bilan, Fransiya esa Ispaniyaga qarshi maydonga tushadi.
