«Manchester Yunayted»ning sobiq hujumchisi Ueyn Runi Lionel Messining Argentina terma jamoasidagi o'yini haqida fikr bildirdi.
«Messi ba'zida himoyalanish paytida Argentina terma jamoasining zaif nuqtasiga aylanadi. U har doim ham ortga qaytmaydi, biroq ayrim vaziyatlarda himoyada ham juda yaxshi ishlaydi. Bu jihati menga Jud Bellingemni eslatadi.
Messining eng kuchli tomoni — to'g'ri va o'z vaqtida qaror qabul qila olishidir. U aynan hal qiluvchi vaziyatlarda o'yinga faol qo'shilib, eng maqbul yechimni topadi.
Messining asosiy fazilatlari — diqqatni jamlay olishi va jamoa bilan o'zaro tushunishi. Shu tufayli uning jamoadoshlari kerak bo'lsa, odatda o'ynamaydigan pozitsiyalarni ham egallay olishadi», — dedi Runi BBCga bergan intervyusida.
