O'zbekiston milliy jamoasining sobiq futbolchisi Vitaliy Denisov JCH-2026da ishtirok etayotgan Kannavaro jamoasi haqida fikr bildirdi.
«Futbolda hammasini oldindan aytib bo‘lmaydi. Kim biladi, balki O‘zbekiston Kolumbiyaga qarshi o‘yinda ustunlik qilar. Axir Gretsiya ham bir paytlar Yevropa chempioni bo‘lgan. Xudo xohlasa, jamoamiz finalgacha yetib boradi, keyin esa g‘alaba qozonamiz», — dedi Denisov «Sovetskiy Sport» nashriga bergan intervyusida.
Sobiq futbolchining fikricha, xalqaro turnirlarda kutilmagan natijalar doimo kuzatiladi va O‘zbekiston ham yoqimli sensatsiya muallifiga aylanishi mumkin.
Eslatib o‘tamiz, O‘zbekiston milliy jamoasi JCH-2026 guruh bosqichida Portugaliya, Kolumbiya va Kongo DR jamoalariga qarshi bahs olib boradi.
Milliy jamoa mundialdagi tarixiy ilk uchrashuvini ertaga, 18-iyun kuni Kolumbiyaga qarshi o‘tkazadi.
