18 iyun kuni JCH-2026 K guruhi 1-turidan o‘rin olgan Oʻzbekiston va Kolumbiya milliy jamoalari o‘rtasidagi uchrashuv bo‘lib o‘tadi.
Bahs Meksika poytaxtidagi afsonaviy «Asteka» stadionida tashkil etiladi. Uchrashuvni angliyalik hakam Entoni Teylor boshchiligidagi hakamlar brigadasi boshqarib boradi.
Oʻzbekiston milliy jamoasi uchun ushbu o‘yin jahon chempionatlari tarixidagi ilk uchrashuv sifatida tarixga kiradi.
Bahs Toshkent vaqti bilan 18 iyun kuni soat 07:00 da start oladi. Bellashuv Zo'r TV telekanali orqali namoyish etiladi.
JCH-2026ning K guruhida Oʻzbekiston va Kolumbiyadan tashqari Portugaliya hamda Kongo DR milliy jamoalari ham ishtirok etmoqda.
Eslatib o‘tamiz, jahon chempionati 11 iyundan 19 iyulga qadar AQSH, Kanada va Meksikada bo‘lib o‘tadi. Turnirning amaldagi g‘olibi Argentina hisoblanadi.
