O'zbekiston milliy jamoasi hujumchisi Azizbek Amonov Kolumbiyaga qarshi bahsdan so'ng o'z fikrlarini bildirdi.
«O'yinning birinchi bo'limida biz raqibga moslashib oldik. Natijada yigitlar ikkinchi bo'limda o'zlariga kelib ancha ishonib maydonga tushishdi. Ikkinchi bo'limda biz raqib bilan tengma-teng harakat qildik. Ayrim jabhalarda esa ulardan ustunroq ham o'ynadik.
Xudo xohlasa, keyingi o'yinlarda vaziyatni yaxshilashga harakat qilamiz. Raqiblarimiz safida Dias va Xames ancha yaxshi harakat qildi, ular bizni ancha qiynab qo'yishdi. Aynan ular bugungi o'yinda ko'p narsani hal qilishdi», - deya Amonovning so'zlaridan keltiradi O'FA matbuot xizmati.
