O‘zbekiston milliy jamoasi va «Istanbul Bashakshehir» yarimhimoyachisi Abbosbek Fayzullayev 2026 yilgi jahon chempionatida Portugaliyaga qarshi o‘yindan nimalar kutayotganini aytdi.
— Sizningcha, Portugaliya hozir Ronaldu bilan kuchlimi yoki usizmi?
— Ehtimol, pressingda - usiz. Ammo Krishtianu maydonda bo'lganida, bu jamoaga ishonch bag'ishlaydi. Aytishim mumkinki, u istalgan paytda o‘yin taqdirini hal qilishi mumkin. U futbol tarixidagi eng yaxshi o‘yinchilardan biri. Maydonda hali ham nimanidir hal qila olishiga shubha yo‘q.
— Unga qarshi o‘ynash vaqtini kutyapsizlarmi?
— Ha, albatta. Televizorda uning o‘yinini ko‘rganimda doim shuni orzu qilardim. O‘zim Messining muxlisi bo‘lsam-da, Krishtianu ham menga juda yoqadi. Unga qarshi o‘ynash, albatta, orzu», — deya Fayzullayevning so‘zlaridan keltiradi Sport-express nashri.
Eslatib o‘tamiz, O‘zbekiston milliy jamoasi jahon chempionatining 2-turida 23 iyun kuni Portugaliyaga qarshi maydonga chiqadi.
