Ximenes “Milan”dan “Portu”ga oʻtdi

“Milan” hujumchisi Santiago Ximenes Portugaliyaga koʻchib oʻtdi.

“Portu” Meksika milliy jamoasi futbolchisini sotib olish huquqi bilan ijaraga oldi.

Avvalroq “ajdarlar” 25 yoshli forvardni toʻliq transfer qilish uchun 20 million yevrodan ortiq mablagʻ toʻlashi mumkinligi xabar qilingandi.

Santiago oʻtgan mavsumda A Seriyada 16 ta oʻyinda 1 ta golli uzatmani amalga oshirdi. Umuman olganda, u “Feyenoord”dan 32+3 million yevroga transfer qilinganidan soʻng Italiya klubi safida 38 ta oʻyinda 7 ta gol urgan va 5 ta golga assistentlik qildi.

Hujumchi JCH-2026da esa 4 marta zaxiradan maydonga tushdi.