“Liverpul” Baychetichni “Selta”ga qaytardi

“Liverpul” yarimhimoyachi Stefan Baychetichning “Selta”ga toʻliq transfer asosida oʻtganini eʼlon qildi.

21 yoshli xavbek Ispaniya klubiga erkin agent sifatida qoʻshildi. Mersisaydliklar futbolchining keyingi sotuvidan ulush olish huquqini saqlab qoldi.

Baychetich “Selta” bilan 2029 yil iyun oyigacha shartnoma imzoladi.

2024/25 yilgi mavsumda Stefan avval “Zalsburg”da, keyin esa “Las-Palmas”da ijarada oʻynadi. U Ispaniya klubi safida ogʻir jarohat oldi va oʻtgan mavsumni toʻliq oʻtkazib yubordi.

Baychetich 2021 yil fevral oyida “Selta”dan “Liverpul”ga oʻtgandi. Shundan buyon u “qizillar”ning asosiy jamoasi safida 22 ta oʻyinda maydonga tushib, 1 ta gol urdi.