«Real» himoyachisi Ferlan Mendi itlaridan biri voyaga yetmagan o‘smirga hujum qilgani sababli sud oldida javob beradi.
Sport.es nashri xabar berishicha, Madrid jinoyat ishlari bo‘yicha sudi sud jarayonini 21 dekabrga belgilagan.
Fransiyalik futbolchiga tan jarohati yetkazish bilan bog‘liq huquqbuzarlik aybi qo‘yilmoqda. Uning itlaridan biri 17 yoshli o‘smirning oyog‘ini tishlagan, shuningdek, yana ikki itga hujum qilgan. Itlardan biri olgan jarohatlari tufayli keyinchalik uxlatib o‘ldirilgan.
Manbaga ko‘ra, prokuratura Mendini 1,2 ming yevro miqdorida jarimaga tortishni, shuningdek, jabrlanganlarga 5,7 ming yevro miqdorida tovon puli to‘lashni talab qilmoqda.
Hodisa 2023 yil 4 yanvar kuni sodir bo‘lgan. O‘sha kuni Mendiga tegishli to‘rtta it nazoratsiz holda hovlidan chiqib ketgan.
«Real» himoyachisi iti uchun sud oldida javob beradi
Futbol
16 oktabr, 17:45
Mendining iti 17 yoshli o‘smirni tishlab olgan, shuningdek, boshqa itlarga hujum qilgan.
Foto: Getty Images
