«Арсенал» клуби ва Англия миллий жамоаси яримҳимоячиси Деклан Райс ушбу мавсумдаги зич тақвим ҳақида ўз фикрлари билан ўртоқлашди.
«Бу ақл бовар қилмас даражадаги ўйинлар сони. Тақвим жуда оғир эди, аммо бу борада нима ҳам қила оламиз? Ўтириб олиб шикоят қилишнинг фойдаси йўқ.
АПЛдаги чемпионлик каби лаҳзалар учун ишлашда давом этишимиз керак. Ўша ҳисни яна бир бор туйиш учун имкон қадар кўпроқ баҳсларда майдонга тушишга тайёр бўласиз, айниқса олдинда Жаҳон чемпионати турган бўлса.
Сиз доимо ўйинда қолиш учун танангизни қурбон қилишга ҳам тайёр бўласиз. Ҳа, ўйинлар кўп, бироқ мавсум охирида дам олиш имконияти бўлади», — дея Райснинг сўзларини келтирди Тhe Telegraph нашри.
Маълумот учун, Англия миллий жамоаси Жаҳон чемпионатининг 2-турида 23 июн куни Гана миллий жамоасига қарши майдонга тушади. Баҳс Бостон шаҳрида бўлиб ўтади.
