Англия миллий жамоаси жаҳон чемпионати давом этаётган вақтда ўртоқлик ўйини ўтказди. Бу ҳақда The Athletic хабар берди.
Гуруҳ босқичида Хорватия устидан 4:2 ҳисобидаги ғалабадан сўнг Томас Тухел бошчилигидаги жамоа «Спортинг Канзас Сити» клубига қарши ўртоқлик ўйинида майдонга тушган. Унда Хорватияга қарши баҳсда майдонга тушмаган барча футболчилар иштирок этди ва англияликлар 5:1 ҳисобида ғалаба қозонди.
Тухел бошчилигидаги мураббийлар штаби бундай ўйинлар захирадаги футболчиларнинг формада қолишига ёрдам беради деб ҳисобламоқда. Қайд этиш лозим, кейинги ўйинда Англия миллий жамоаси Ганага қарши майдонга тушади.
