Бразилия миллий жамоаси ҳужумчиси Неймар Винисиус Жуниорнинг жамоа учун тутган ўрни ҳақида фикр билдирди.
ЖЧ-2026 гуруҳ босқичининг 3-турида Бразилия Шотландияни 3:0 ҳисобида мағлуб этди. Ушбу баҳсда Винисиус дубл муаллифига айланди, Неймар эса 76-дақиқада захирадан майдонга тушиб, 2023 йилдан бери миллий жамоа сафидаги илк учрашувини ўтказди.
«Мухлислар ва атрофимдаги барча мени қўллаб-қувватлаётганидан хурсандман. Аммо бундан ҳам муҳими, жамоамиз яхши ўйин кўрсатаётганидир.
Винининг ҳозирги спорт формасидан жуда хурсандман. У бугунги кунда Бразилия терма жамоасининг асосий футболчиси. Винисиус ажойиб формада, бизга ёрдам бермоқда ва ўйинлар тақдирини ҳал қилмоқда. Бу жамоамиз учун жуда муҳим.
Энди олдинда плей-офф баҳслари турибди. Асосий мақсадимизга эришиш учун ғалаба қозонишда давом этишимиз керак», — деди Неймар.
Маълумот учун, Винисиус Жуниор ЖЧ-2026 гуруҳ босқичида 4 та гол ва 1 та ассист қайд этиб, турнирнинг энг сермаҳсул футболчиларидан бири бўлиб турибди.
