Босния ва Ҳерцеговина миллий жамоаси жаҳон чемпионати плей-офф босқичига йўл олди.
Сергей Барбарес бошчилигидаги жамоа гуруҳда 3-ўринни эгаллаган ҳолда турнирнинг кейинги босқичига чиққан илк жамоага айланди. Боснияликлар 4 очко тўплаб, ўз гуруҳида Канада ва Швейцариядан кейин 3-поғонани банд этди.
Қайд этиш лозим, Босния ва Ҳерцеговина ўз тарихида илк бор мундиалнинг плей-офф босқичига чиқди. Жамоа бундан аввал 2014 йилги турнирда иштирок этган ва гуруҳ босқичини 3-ўринда якунлаб, кейинги босқичга чиқа олмаганди.
Эслатиб ўтамиз, боснияликлар жаҳон чемпионати йўлланмасини ҳал қилувчи плей-офф учрашувида Италия миллий жамоасини мағлуб этган ҳолда қўлга киритганди.
