«Милан» ҳужумчи Сантяго Хименес билан хайрлашишга тайёр ва футболчи учун харидор ҳам топилган.
Deports Total хабарига кўра, Португалиянинг «Порту» клуби мексикалик футболчи трансфери учун 28 миллион евро таклиф қилган. Бундан ташқари, битимга футболчининг ўйин натижаларига боғлиқ яна 7 миллион еврогача бонуслар ҳам киритилиши мумкин.
Манба қайд этишича, Хименеснинг амалдаги бозор қиймати 20 миллион евродан ошмайди. Шу сабабли «Милан» ушбу таклифни жуда фойдали деб ҳисобламоқда.
Қайд этилишича, Хименеснинг ўзи «Милан»да қолишни истайди, бироқ клуб уни трансфер қилиш вариантини жиддий кўриб чиқмоқда.
Маълумот учун, Сантяго Хименес Мексика миллий жамоаси ҳужумчиси ҳисобланади. Унинг келажаги ёзги трансферлар ойнасининг энг кўп муҳокама қилинаётган мавзуларидан бирига айланган.
