Бразилия миллий жамоаси ҳужумчиси Неймар ЖЧ-2026даги дебютидан кейин ўз ҳиссиётлари билан ўртоқлашди.
33 ёшли футболчи гуруҳ босқичининг 3-турида Шотландияга қарши баҳснинг 76-дақиқасида Матеус Куня ўрнига майдонга тушди. Узоқ танаффусдан сўнг мундиалда яна ўйнаган Неймар учрашувдан кейин кўз ёшларини тия олмаганини айтди.
«Ҳа, кийиниш хонасида йиғладим. Худога шукр, яна мамлакатимга ёрдам бера оляпман. Бундан жуда бахтлиман», — дея Неймарнинг сўзларини келтирди Фабрицио Романо.
Бразилия миллий жамоаси Шотландияни 3:0 ҳисобида мағлуб этди. Голларга Винисиус Жуниор (2) ва Матеус Куня муаллифлик қилди.
Маълумот учун, Бразилия миллий жамоаси гуруҳ босқичини 7 очко билан биринчи ўринда якунлаб, плей-офф йўлланмасини қўлга киритди. Неймар эса жароҳатдан тикланганидан сўнг ЖЧ-2026даги илк ўйинини айнан Шотландияга қарши баҳсда ўтказди.
