Британиялик телебошловчи Пирс Морган нима учун Лионел Мессини барча даврларнинг энг буюк футболчиси деб ҳисобламаслигини айтди.
Морганнинг фикрича, Криштиану Роналду бу борада устунликка эга, чунки у фаолияти давомида кўпроқ гол урган.
«Месси жуда зўр футболчи, аммо у барча даврларнинг энг буюк футболчиси эмас.
Роналду анча кўп гол урган. Жаҳон чемпионлигини қўлга киритиш шарт эмас. Масалан, Жорж Бест ҳеч қачон Жаҳон чемпиони бўлмаган, аммо мен уни ўз даврининг энг яхши футболчиси деб биламан.
Месси «Барселона»да атрофида жаҳон даражасидаги футболчилар билан ўйнаганида ажойиб эди. Аммо клубни тарк этганидан кейин бу даража пасайди.
Роналду эса Англияда чемпион бўлди, Испанияда бир неча бор Ла Лига ва Чемпионлар лигасини ютди, кейин «Ювентус»да барча ички совринларни қўлга киритди. Ҳозир эса 41 ёшида Саудия Арабистонида ҳам чемпион бўлди», — деди Морган talkSPORT нашрига.
Маълумот учун, Лионел Месси ва Криштиану Роналду ўртасидаги «барча даврларнинг энг буюк футболчиси» мавзусидаги баҳс футбол жамоатчилиги орасида йиллар давомида давом этиб келмоқда. Месси 2022 йилда Аргентина миллий жамоаси билан Жаҳон чемпионига айланган бўлса, Роналду Европа чемпиони ва миллий жамоалар тарихидаги энг яхши тўпурарлардан бири ҳисобланади.
