Britaniyalik teleboshlovchi Pirs Morgan nima uchun Lionel Messini barcha davrlarning eng buyuk futbolchisi deb hisoblamasligini aytdi.
Morganning fikricha, Krishtianu Ronaldu bu borada ustunlikka ega, chunki u faoliyati davomida ko‘proq gol urgan.
«Messi juda zo‘r futbolchi, ammo u barcha davrlarning eng buyuk futbolchisi emas.
Ronaldu ancha ko‘p gol urgan. Jahon chempionligini qo‘lga kiritish shart emas. Masalan, Jorj Best hech qachon Jahon chempioni bo‘lmagan, ammo men uni o‘z davrining eng yaxshi futbolchisi deb bilaman.
Messi «Barselona»da atrofida jahon darajasidagi futbolchilar bilan o‘ynaganida ajoyib edi. Ammo klubni tark etganidan keyin bu daraja pasaydi.
Ronaldu esa Angliyada chempion bo‘ldi, Ispaniyada bir necha bor La Liga va Chempionlar ligasini yutdi, keyin «Yuventus»da barcha ichki sovrinlarni qo‘lga kiritdi. Hozir esa 41 yoshida Saudiya Arabistonida ham chempion bo‘ldi», — dedi Morgan talkSPORT nashriga.
Ma’lumot uchun, Lionel Messi va Krishtianu Ronaldu o‘rtasidagi «barcha davrlarning eng buyuk futbolchisi» mavzusidagi bahs futbol jamoatchiligi orasida yillar davomida davom etib kelmoqda. Messi 2022 yilda Argentina milliy jamoasi bilan Jahon chempioniga aylangan bo‘lsa, Ronaldu Yevropa chempioni va milliy jamoalar tarixidagi eng yaxshi to‘purarlardan biri hisoblanadi.
