JCH-2026. Oʻzbekistonning pley-offga chiqish imkoniyati hamon saqlanib qolmoqda

Oʻzbekiston milliy jamoasining jahon chempionati pley-off bosqichiga chiqish imkoniyati hamon saqlanib qolmoqda.

Fabio Kannavaro bosh murabbiyligidagi jamoa guruhdan faqatgina 3-oʻrin bilan keyingi bosqichga chiqishi mumkin. Ayni vaqtda «oq bo'rilar» boshqa guruhlardagi 3-oʻrinni egallab turgan jamoalar ro'yxatida faqat Bosniya va Gertsegovinani ortda qoldira olmaydi.

Amalda esa qolganlarni ortda qoldirish uchun ushbu jamoalarning bari ochko yoʻqotishi yoki yutqazishi va oʻzbekistonlik futbolchilar yirik hisobda zafar quchishi kerak boʻladi.

3-oʻrinni egallab turgan jamoalarning soʻnggi turdagi oʻyinlari:

Yaponiya — Shvetsiya;

Xorvatiya — Gana;

Jazoir — Avstriya;

Paragvay — Avstraliya;

Kabo-Verde — Saudiya Arabistoni;

Yangi Zelandiya — Belgiya;

Kongo DR — OʻZBEKISTON;

Ekvador — Germaniya;

Senegal — Iroq.