JCH-2026da «gol+pas» tizimi bo‘yicha eng yaxshi natija hozircha Lionel Messi, Vinisius Junior va Deniz Undavga tegishli.
Argentina milliy jamoasi sardori Messi ikki bahsda 5 ta gol urishga muvaffaq bo‘ldi. Braziliyalik Vinisius Junior esa uch o‘yinda 4 ta gol va bitta assist qayd etgan.
Germaniya milliy jamoasi hujumchisi Deniz Undav hisobida esa ikki bahsda 3 ta gol va 2 ta assist bor.
Ularning ortidan 4 tadan natijali harakat bilan Kilian Mbappe (4 gol), Erling Holand (4 gol), Aleksander Isak (1 gol va 3 assist) hamda Yoan Manzambi (3 gol va 1 assist) joy olgan.
Ma’lumot uchun, JCH-2026 guruh bosqichi yakunlanish arafasida turibdi. Turnirning eng yaxshi to‘purari va eng sermahsul futbolchisi uchun kurash pley-off bosqichida ham davom etadi.
