ЖЧ-2026да «гол+пас» тизими бўйича энг яхши натижа ҳозирча Лионел Месси, Винисиус Жуниор ва Дениз Ундавга тегишли.
Аргентина миллий жамоаси сардори Месси икки баҳсда 5 та гол уришга муваффақ бўлди. Бразилиялик Винисиус Жуниор эса уч ўйинда 4 та гол ва битта ассист қайд этган.
Германия миллий жамоаси ҳужумчиси Дениз Ундав ҳисобида эса икки баҳсда 3 та гол ва 2 та ассист бор.
Уларнинг ортидан 4 тадан натижали ҳаракат билан Килиан Мбаппе (4 гол), Эрлинг Ҳоланд (4 гол), Александер Исак (1 гол ва 3 ассист) ҳамда Йоан Манзамби (3 гол ва 1 ассист) жой олган.
Маълумот учун, ЖЧ-2026 гуруҳ босқичи якунланиш арафасида турибди. Турнирнинг энг яхши тўпурари ва энг сермаҳсул футболчиси учун кураш плей-офф босқичида ҳам давом этади.
