Бразилия миллий жамоаси бош мураббийи Карло Анчелотти Неймарнинг ЖЧ-2026даги илк ўйини ҳақида фикр билдирди.
33 ёшли футболчи Шотландияга қарши гуруҳ босқичининг 3-тур баҳсида захирадан майдонга тушиб, 12 дақиқа ҳаракат қилди. Бразилия ушбу баҳсда 3:0 ҳисобида ғалаба қозонди.
«Неймар майдонга тушиш имкониятини бунга муносиб бўлгани учун олди. У тикланиш жараёнида жуда кўп меҳнат қилди ва юқори даражадаги профессионаллик намойиш этди», — деди Анчелотти.
Мазкур ғалабадан сўнг Бразилия миллий жамоаси 7 очко билан C гуруҳида биринчи ўринни эгаллаб, плей-офф босқичига йўл олди. Марокаш ҳам 7 очко жамғарди, бироқ тўплар нисбатига кўра иккинчи ўринда қолди.
Маълумот учун, Неймар жароҳатдан тикланганидан кейин айнан Шотландияга қарши баҳсда ЖЧ-2026даги илк дақиқаларини ўтказди. Бразилия миллий жамоаси эса гуруҳ босқичини мағлубиятсиз якунлади.
