Англия миллий жамоасининг собиқ ҳужумчиси Майкл Оуен Криштиану Роналдунинг ЖЧ-2026даги ўйини ҳақида фикр билдирди.
41 ёшли ҳужумчи Ўзбекистон миллий жамоасига қарши баҳсда дубл қайд этиб, Португалиянинг 5:0 ҳисобидаги ғалабасига катта ҳисса қўшди. У илк турда Конго ДРга қарши баҳсда (1:1) гол ура олмаганди.
«Мен Криштиану Роналдуни биринчи баҳсдан кейиноқ ҳисобдан чиқариш кулгили эканини айтгандим.
Ҳатто Ўзбекистонга қарши баҳсда у хет-трик қайд этишини ҳам тахмин қилгандим. Хўш, хато қилибман. У атиги иккита гол урди!
Аммо биз унинг нималарга қодир эканини яна бир бор кўрдик. Роналду танқидлардан куч олади ва айнан шу нарса Португалия учун ижобий омил ҳисобланади», — деди Оуен.
Маълумот учун, Криштиану Роналду ЖЧ-2026даги илк голини айнан Ўзбекистон миллий жамоасига қарши баҳсда урди. Португалия эса икки турдан сўнг плей-офф йўлланмасини муддатидан олдин ҳал қилган жамоалар қаторидан жой олди.
