Тухел: «Ҳеч бир жамоа ҳар ўйинда 4 тадан гол уриб, Жаҳон чемпионатини ютмаган»

Англия миллий жамоаси бош мураббийи Томас Тухел Жаҳон чемпионати гуруҳ босқичи 2-туридан ўрин олган Гана (0:0) билан ўйиндаги дурангдан кейин мухлисларга мурожаат қилди.

Немис мутахассиси мухлисларни Бостонда йўқотилган очколар учун ҳаддан ташқари хавотирга тушмасликка чақирди ва жамоа жуда яхши ташкил этилган рақибга дуч келганини таъкидлади.

«Бу — реаллик. Олдинда узоқ йўл турибди ва ҳали ҳеч ким ҳар ўйинда тўртта гол уриб, телбаларча олдинга ташланиб, Жаҳон чемпионатини ютмаган.

Биз доимо ҳужум қилишни хоҳлаймиз ва тўлиқ куч билан ўйнаш — вазифамиз. Қайта-қайта уриниб кўрдик, лекин баъзан бу қийин бўлади, шунинг учун салбий фикрларга берилишга ҳеч қандай ҳожат йўқ.

Буни кўриш осон эмаслигини биламан. Балки мен захира ўриндиғидан мураббий сифатида ўйинни бошқача кўрардирман, лекин танго учун икки киши керак», — дея Тухелнинг сўзларини келтиради Mirror.