«Челси» вингери Михаил Мудрик «Тоттенҳэм»га ижара асосида кўчиб ўтади. Бу ҳақда журналист Фабрицио Романо хабар берди.
«Тақачилар» лондонликлар ва футболчининг ўзи билан битимнинг барча шартларини келишиб олди. Ижара шартномасида футболчини мажбурий бўлмаган тарзда сотиб олиш банди ҳам мавжуд.
Қайд этиш лозим, Мудрик «Тоттенҳэм»да «Шахтёр»да бирга ишлаган бош мураббий Роберто де Зерби билан яна бирга ишлайди. Шунингдек, 25 ёшли футболчи 2024 йил ноябр ойидан буён «Челси»нинг расмий ўйинларида майдонга тушмаяпти. У допинг-тестдан ўта олмагани сабабли дисквалификацияни ўтаётганди.
Маълумот ўрнида, «Тоттенҳэм» мавсумни иккита мағлубият билан бошлади. Жамоа ўтган мавсумда АПЛни 17-ўринда якунлаган.
Аввалроқ «Челси» «Лидс»нинг Мудрик бўйича иккинчи таклифини ҳам рад этгани маълум қилинганди.
