Ямал топ-5 лига ўйинчилари орасида 50 та гол урган энг ёш футболчига айланди

«Барселона» вингери Ламин Ямал мавсумдаги биринчи голини урди.

19 ёшли футболчи Ла Лиганинг 3-туридан ўрин олган «Райо Валекано»га (5:2) қарши ўйинда дублга эришди.

Ламин сўнгги марта Испания миллий жамоаси сафида — 2026 йилги Жаҳон чемпионатининг 2-турида Саудия Арабистони (4:0) дарвозасига тўп киритганди. Шундан бери у клуб ва миллий жамоа сафида 8 та расмий ўйин ўтказди.

Педро Мартиннинг таъкидлкшича, жаҳон ва Европа чемпиони 19 ёш 49 кунлигида «Барселона» сафидаги 50-голини урди ва клуб тарихида бу натижага эришган энг ёш футболчига айланди. У Жозеп Эскола (20 ёш 356 кун; 1934–1937, 1940–1944 ва 1944–1948 йилларда «Барселона»да ўйнаган) ҳамда Лионел Мессининг (21 ёш 120 кун) натижаларини ортда қолдирди.

Шунингдек, Ямал топ-5 лига ўйинчилари орасида 50 та гол урган энг ёш футболчига айланди. У Килиан Мбаппе ва Эрлинг Ҳоланднинг натижаларини янгилади.