«Барселона» яримҳимоячиси Марк Бернал жамоадоши Ламин Ямалнинг ўйини ҳақидаги фикрлари билан ўртоқлашди.
Душанба куни 19 ёшли вингер Ла Лига доирасидаги «Райо Валекано»га қарши ўйинда дубл қайд этди – бу унинг апрел ойидан бери «кўк-анорранглилар» сафидаги илк голлари бўлди.
«Мураббий Ямал борасида ҳақ эди. Сўнгги ўйинларда Ламин гол ура олмаётган бўлса-да, ўз маҳоратини кўрсатаётганди. У бу фазилатларини фаолиятининг илк кунлариданоқ намоён этиб келмоқда. Бугун унинг гол урганидан хурсандмиз», – деди Бернал DAZN нашрига берган интервюсида.
Маълумот учун, «Барселона» ва «Райо Валекано» беллашуви каталонияликларнинг 5:2 ҳисобидаги ғалабаси билан якунланди. Мезбонлар сафида Рафиня Диас ҳам дублга эришган бўлса, яна бир голни эса мадридликлар ўз дарвозасига киритиб қўйди.
