Мадриднинг «Реал» жамоаси 16 ёшли «Манчестер Юнайтед» футболчиси Жей-Жей Габриэл учун курашда устунликка эга, деб хабар бермоқда журналист ва инсайдер Фабрицио Романо.
Сентябр ойида футболчи Манчестерни тарк этишга қарор қилган. Ушбу янгиликдан кейин Европанинг қатор топ жамоалари футболчи атрофидаги вазиятни кузата бошлашди. Жумладан ,«Реал» Габриэл вакиллари билан учрашишга улгурган ва футболчи «Манчестер Юнайтед»ни ушбу музокаралар ҳақида хабардор ҳам қилган. «Барселона» ҳам Габриэл вакиллари билан учрашгани айтилмоқда. Шунингдек, «Пари Сен-Жермен» ва «Бавария» ҳам футболчи хизматларига қизиқиш билдираётгани ҳақида хабарлар бор.
Инсайдернинг маълумотларига кўра, Габриэл фаолиятини Англиядан ташқарида давом эттиришга яқин. Ўз навбатида, футболчининг кейинги манзили Испания чемпионати бўлиш эҳтимоли юқорироқ.
