24 карра «Катта дубулға» туркумига кирувчи мусобақалар чемпиони, сербиялик теннисчи Новак Жокович аёллар теннисининг дунё спортидаги даражаси ҳақида фикрларини билдириб ўтди.
«Аёллар тенниси — энг муваффақиятли ва юқори даромадга эга спорт турларидан бири ва бу билан фахрланаман», — дея Жокович сўзларидан иқтибос келтиради Her Sport ўзининг ижтимоий тармоқлардаги саҳифаси орқали.
Эслатиб ўтамиз, аёллар тенниси яккалик баҳсларида WTA рейтингида бу мавсум Australian Open ва US Open мусобақалари ғолиблигини қўлга киритган қозоғистонлик Елена Рибакина етакчилик қилмоқда, иккинчи ўринда Беларус вакиласи Арина Соболенко жойлашган бўлса, кучли учликни «Ролан Гаррос-2026» чемпиони россиялик Мирра Андреева якунлаб беради.
Маълумот учун, WTA-2026 якуний мусобақаси 7 — 14 ноябр кунлари АҚШда бўлиб ўтади.
