Кутилмаганда, дунёнинг олтинчи рақамли ракеткаси, украиналик теннисчи Элина Свитолина Хитойнинг Уҳан шаҳрида ўтказилаётган WTA-1000 мусобақаси 1/2 финали йўлланмасини қўлга кирита олмади. Чорак финал баҳсида Элина британиялик Сонай Карталга (рейтингда 170-ўрин) 2:6, 6:2, 4:6 ҳисобида имкониятни бой бериб қўйди.
1 соат 59 дақиқа давом этган баҳсда Свитолина учта эйс амалга ошириб, икки бор қўш хатога йўл қўйди ва еттитадан иккита брейк-поинтдан унумли фойдаланди. Қизиқ томони, Картал учрашув давомида бирорта ҳам эйс амалга оширгани йўқ, битта қўш хатога йўл қўйиб, еттита имкониятдан уч бор брейк-поинтдан самарали фойдалана олди.
Маълумот учун, энди Уҳандаги мусобақа финал йўлланмаси учун Сонай Картал латвиялик Елена Остапенкога қарши кортга чиқади.
