Испаниянинг «Бетис» клуби бразилиялик яримҳимоячиси Антонининг уйи Чемпионлар лигаси умумий босқичи 2-туридан ўрин олган «Порту»га қарши ўйинда (3:2) босқинчилар ҳужумига учради. Бу ҳақда футболчи ижтимоий тармоқлардаги саҳифаси орқали маълум қилди.
«Уйимни тунаб кетишди. Биз учун ажойиб бўлиши керак бўлган кеча ғазаб ва умидсизлик билан якунланди.
Шахсий уйингизга бостириб кирилгандаги ҳис-туйғуни тасвирлаш қийин. Бу нафақат моддий йўқотиш, балки ўзимизни хавфсиз ҳис қилишимиз керак бўлган жойда ҳимоясиз қолганлик ҳисси ва оиламнинг кўзларидаги қўрқувдир. Йўқотганларимизнинг ҳаммасини яна қўлга киритишимиз мумкин. Ҳаёт, иш давом этмоқда, орзулар сақланиб қолмоқда, ғалабага бўлган ирода эса мустаҳкам», - деб ёзди Антони.
Эслатиб ўтамиз, «Бетис» ва «Порту» ўртасидаги ўйин севиляликларнинг 3:2 ҳисобидаги ғалабаси билан якунланган бўлса, 26 ёшли бразилиялик вингернинг ўзи Кучо Эрнандесга голли узатмани амалга оширди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади