Чемпионлар лигаси доирасида «Викинг»га қарши баҳсда «Бавария» вингери Майкл Олисе майдондан четлатилди. Франциялик футболчи дастлаб рақибга нисбатан қўполлик ишлатгани учун сариқ карточка олди, иккинчи огоҳлантириш эса тўпни рақибга қараб улоқтиргани сабабли кўрсатилди.
Германия футболи афсонаси Лотар Маттеус Олисени провокацияга учрагани учун танқид қилди. Шу билан бирга, у рақиб футболчиси Златко Трипични айблаш керак эмаслигини таъкидлади.
«Албатта, рақиблар бундай футболчини ўйиндан чиқариб юбориш учун барча имкониятлардан фойдаланишга ҳаракат қилади. Менимча, Олисе ўзини провокацияга учратишга йўл қўйди. Охир-оқибат, у нафақат ўзига зарар етказди, балки энг аввало жамоага панд берди. Уни жаримага тортиш керакми? Олисе ўзини аллақачон етарлича жазолади ва хатосини англаб турибди», — деди Маттеус Bild нашрига.
Маълумот учун, «Викинг» ва «Бавария» ўртасидаги баҳс 3:3 ҳисобидаги дуранг билан якунланган.
