Жейдон Санчо яқин вақт ичида Испания чемпионатига кўчиб ўтиши мумкин. BBC маълумотига кўра, «Хетафе» клуби эркин агент мақомида бўлган 26 ёшли футболчига расмий таклиф билан чиққан.
Манбага кўра, «Хетафе»га Санчо билан келишувга эришиш осон бўлмайди. Шунга қарамай, клуб трансферни амалга ошириш учун ечим топишга умид қилмоқда.
Мадрид яқинида жойлашган клуб яқинда яна бир таниқли футболчини эркин агент сифатида ўз сафига қўшиб олди. Гап «Реал»нинг собиқ ҳимоячиси Дани Карвахал ҳақида бормоқда.
Маълумот учун, Санчо «Манчестер Сити» академияси тарбияланувчиси ҳисобланади. У профессионал фаолияти давомида Дортмунднинг «Боруссия»си, «Манчестер Юнайтед», «Челси» ва «Астон Вилла» клубларида тўп сурган.
