Бразилия миллий жамоасининг собиқ футболчиси Ривалдо мамлакат миллий жамоасининг 2030 йилги жаҳон чемпионатидаги имкониятларини баҳолади. Унинг фикрича, бразилияликлар учун мундиалда ғолиб чиқиш жуда қийин вазифа бўлади.
«Бу жуда қийин бўлади. Ушбу йили Бразилияда миллий жамоанинг иштироки кўпчиликда ҳафсаласизлик уйғотди. Ҳозир таркиб янгиланди. Агар Бразилия 2030 йилда жаҳон чемпионлигини қўлга киритса, бу мўъжиза бўлади», — дея Ривалдонинг сўзларини «Спорт-Экспресс» нашри келтирмоқда.
Маълумот учун, Бразилия жаҳон чемпионатларида беш марта ғолиб чиққан. Мамлакат миллий жамоаси сўнгги бор 2002 йилда чемпионликни қўлга киритган. Ўшанда Ривалдо ҳам жамоа таркибида бўлган.
Эслатиб ўтамиз, манбада келтирилишича, Бразилия 2026 йилги жаҳон чемпионатининг нимчоракфиналида Норвегияга 1:2 ҳисобида мағлуб бўлиб, мусобақани тарк этган.
