«Барселона» бош мураббийи Ҳанс-Дитер Флик Бразилия миллий жамоаси сафида Австралияга қарши ўртоқлик учрашувида (4:2) жароҳат олган Рафинянинг ҳолати ҳақида фикр билдирди.
«Миллий жамоа сафида ўйнаш ҳар бир футболчининг фаолиятида муҳим ўрин тутади. Шунинг учун футболчилар майдонда бор кучини ишга солади.
Австралияда, яъни бу ердан 30 минг километр узоқликда ўйин ўтказиш шартмиди деган саволни муҳокама қилиш мумкин. Лекин ўртоқлик учрашувларини қаердадир ташкил этиш керак, Миллатлар Лигаси туфайли эса Европада бундай ўйинларни ўтказиш қийин. Натижада футболчиларга қўшимча юклама тушади.
Бизга вазиятни қабул қилишдан бошқа чора йўқ. Бу идеал ҳолатдан анча узоқ, аммо мен унга таъсир ўтказа олмайман. Шунинг учун шогирдларимнинг майдонда ўтказадиган вақтини назорат қилишим керак.
Шу билан бирга, Испания миллий жамоасининг ўйинларини кузатиш менга ёқади. Уларнинг футбол услуби ва футболчилар ўртасидаги юклама қандай тақсимланаётганига эътибор қаратаман.
Жамоада ўзаро тушуниш аъло даражада. Испания — дунёнинг энг яхши миллий жамоаси ва мен унинг ўйинларини мамнуният билан кузатаман», — дея Фликнинг сўзларини келтиради Marca нашри.
Маълумот ўрнида, Рафиня жароҳати сабабли «Хетафе» ва «Галатасарой»га қарши учрашувларни ўтказиб юборади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади