Португалия миллий жамоаси ва «ПСЖ» яримҳимоячиси Витиня «Ан Наср» ҳужумчиси Криштиану Роналдунинг ўзбошимчалик билан жўнаб кетганидан сўнг қайтишига умид билдирди.
«Менинг фикримча, фақатгина ҳаммаси энг яхши тарзда ҳал бўлишини, у қайтишини ва барчаси яхши бўлишини истайман. Ростини айтсам, бизнинг барчамиз шуни хоҳлаймиз, деб ўйлайман. Умид қиламанки, шундай бўлади, у қайтиб келади ва барча муаммолар ҳал этилади», — дея Витинянинг сўзларидан иқтибос келтиради A Bola нашри.
Аввалроқ Португалия футбол федерациясининг (FPF) интизомий регламентига мувофиқ, Роналду бир ойдан олти ойгача муддатга дисквалификация қилиниши, шунингдек, 500 евродан 1000 еврогача жаримага тортилиши мумкинлиги ҳақида хабар берган эди.
