Португалия миллий жамоаси ҳужумчиси Криштиану Роналдунинг опаси Элма Авейру футболчи атрофидаги можаро ҳақида фикр билдирди.
«Афсусдаман. Чунки португалияликлар, афсуски, аввал қандай ишлар қилинганини унутиб қўйишмоқда ва энди ҳаммаси бошқача бўлиши керак деб ўйлашмоқда.
Айтадиган гапим йўқ. Укамнинг бу ҳолатларни бошдан кечираётганини кўриш мен учун жуда оғир. У бундай муносабатга энг кам лойиқ бўлган инсонлардан бири», — дея Авейрунинг сўзларини келтиради Sic Notícias нашри.
Эслатиб ўтамиз, Роналду Миллатлар Лигаси доирасида Норвегия миллий жамоасига қарши ўйинда (2:1) майдонга тушмаганидан сўнг миллий жамоа қароргоҳини тарк этганди.
Аввалроқ Португалия футбол федерацияси президенти Педру Проэнса 41 ёшли ҳужумчининг ноябр ойидаги FIFA кунларида миллий жамоага қайтишига умид қилаётганини айтиб ўтганди.
