Чемпионлар лигаси умумий босқичининг иккинчи туридан кейин Goal портали турнир ғолиблигига асосий даъвогарлар рейтингини янгилади. Рўйхатнинг юқори поғонасидан Парижнинг «ПСЖ» клуби жой олди.
Луис Энрике бошчилигидаги жамоа аввалги куни сафарда «Манчестер Сити»ни 4:2 ҳисобида мағлуб этди. Парижликлар Чемпионлар лигасининг олдинги икки мавсумида ҳам ғолиб чиққан ва кетма-кет учинчи марта кубокни қўлга киритишга интилмоқда. Бу орқали улар Мадриднинг «Реал» клубига тегишли натижани такрорлашни мақсад қилган.
Рейтингда иккинчи ўринни «Барселона» эгаллаган бўлса, кучли учликка «Арсенал» якун ясади. Кейинги поғоналардан «Бавария», «Реал», «Манчестер Сити», «Ливерпул», «Атлетико», «Астон Вилла» ва «Интер» жой олди.
