«ПСЖ» бош мураббийи Луис Энрике Чемпионлар Лигаси умумий босқич 2-тур доирасидаги «Манчестер Сити»га қарши ўйин (4:2)дан сўнг журналистларнинг саволларига жавоб бериб ўтди.
— «ПСЖ» ўйин сифати нега учрашув давомида бунчалик ўзгариб кетди?
— Рақиб 0:3 ҳисобида ортда бораётганди. «Манчестер Сити» катта таваккал қилди. Бундай вазиятни бошқариш қийин. Бизда муаммолар бўлди, аммо барибир АПЛ жамоаси устидан ғалаба қозондик.
— Бу ғалаба билан Европага қандайдир хабар юбордингизми?
— Йўқ. Қандай хабар? Бизнинг мақсадимиз — Чемпионлар Лигасида ғолиб бўлиш. Турнирнинг ушбу босқичида ким энг яхши экани муҳим эмас.
— Сиз Англия клублари устидан ғалаба қозонишда давом этяпсиз. Бу бўйича қандайдир руҳий устунликка эгамисиз?
— Умид қиламанки, шундай (кулади). Бу ажойиб серия. Рекордлар мени қизиқтирмайди. Биз бир неча ҳафтадан кейин «Астон Вилла»га қарши ўйин учун бу ерга яна қайтамиз.
Сизларни яна кўришдан хурсанд бўламиз», — дея Луис Энрикенинг сўзларини келтиради L’Équipe нашри.
Эслатиб ўтамиз, Чемпионлар Лигаси умумий босқичининг 3-турида «ПСЖ» «Барселона» билан баҳс олиб боради.
