Биринчи ўрта вазн тоифасида собиқ жаҳон чемпиони Исроил Мадримовнинг 30 октябр куни Тошкентда ўтказилиши режалаштирилган жанги ташкилий сабабларга кўра қолдирилди. Бу ҳақда Lift Promotions ташкилоти хабар берди.
«Азиз мухлислар! 30 октябр куни «Ҳумо Арена»да бўлиб ўтиши режалаштирилган Халқаро профессионал бокс кечаси ташкилий сабабларга кўра 10 декабр кунига кўчирилди.
Келтирилган ноқулайликлар учун узр сўраймиз. Биз учун сизнинг ишончингиз ва хавфсизлигингиз муҳим. 10 декабр куни кўришгунча!» — деб ёзди ташкилот ўзининг Instagram саҳифасида.
Эслатиб ўтамиз, Мадримов сўнгги жангини январ ойида Лас-Вегасда ўтказиб, Луис Давид Салазарни ҳакамларнинг якдил қарори билан мағлуб этган эди.
