«Манчестер Сити»нинг норвегиялик ҳужумчиси Эрлинг Ҳоланд ПСЖга қарши учрашувда (2:4) Чемпионлар Лигасининг иккита рекордини ўрнатди. Бу ҳақда Actu Foot нашри X ижтимоий тармоғида хабар берди.
Маълум қилинишича, Ҳоланд турнир тарихида 60 та гол чегарасига энг тез етган футболчига айланди. У бу натижага 60 та учрашувда эришди. Лионел Месси эса 60 та гол уриш учун 80 та ўйин ўтказган.
Бундан ташқари, норвегиялик ҳужумчи Чемпионлар Лигасида 60 та гол урган энг ёш футболчи бўлди. У ушбу натижага 26 ёш 85 кунлигида эришди. Месси эса 60-голини урганида 26 ёш 86 кунлик эди.
Қайд этиш лозим, Ҳоланд парижликларга қарши баҳсда дубл қайд этди. Бироқ унинг голлари жамоасини мағлубиятдан қутқариб қола олмади.
Маълумот ўрнида, Чемпионлар Лигаси умумий босқичининг 3-турида «Манчестер Сити» 20 октябр куни АЕКка қарши майдонга тушади.
