Франциянинг «Пари Сен-Жермен» клуби бош мураббийи Луис Энрике УЕФА Чемпионлар лигаси умумий босқичи 2-туридан ўрин олган «Манчестер Сити»га қарши бўлажак ўйин, шунингдек, жамоанинг мавсум стартидаги натижалари ҳақида фикрлари билан ўртоқлашди. Баҳс бугун, 14 октябр куни бўлиб ўтади.
«Барча ўйинчиларнинг сафда эканлиги яхши, бу мураббий учун катта ютуқ. Ҳозир бундай ўйин учун энг қулай вақт, қандай даражада ўйнай олишимизни кўрамиз. Бу ерда ўйнаш ҳар доим ҳам осон эмас.
Мавсумни ёмон бошламадик, аммо натижаларимиз муносиб эмас. Ички чемпионатда биз ўзимиз учун ўрганган ўринда эмасмиз. Лекин мен хавотир олмаяпман. Бўлажак ўйинни Европанинг энг яхши жамоаларидан бири билан меҳмонда ўтказамиз. Биз ўз даражамизни кўрсатишга, қийинчиликларни енга олишимизни кўрсатишга тайёрмиз», - дея Энрикенинг сўзларидан иқтибос келтиради УЕФА расмий сайти.
«ПСЖ» Франция чемпионати мусобақа жадвалида 6-ўринни эгаллаб турибди. Парижликлар олтита ўйинда 11 очко тўплади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади