Италиянинг «Интер» клуби бош мураббийи Кристиан Киву Чемпионлар лигаси умумий босқичи 2-турида Белгиянинг «Брюгге» клубига қарши ўйинда (3:4) мағлубиятга учрагани ҳақида фикр билдирди. «Брюгге» сафида Николо Трезолди (уч марта, жумладан, бир марта пеналтидан) ва Ромео Верман гол уришди. «Интер» сафида Лаутаро Мартинес (икки марта) ва Анж-Жоан Бонни голларга муаллифлик қилишди.
«Биз қарши ҳужумда гол ўтказиб юбордик, кейин ҳисобни тенглаштирдик. Иккинчи марта ҳам гол қўйиб юборганимизда, орқада жуда кўп бўш зоналар қолдира бошладик. Биз ғалаба қозонишни хоҳладик, лекин рақибга жуда кўп бўшлиқ қолдирдик. Чемпионлар лигасида бунга йўл қўйиб бўлмайди.
Мақсадларимиз аввалгидек, олдинда яна олтита ўйин бор, аммо мағлубиятлар одамни ранжитади. Биз кўп ишлашимиз ва вазиятни ўнглашимиз керак», - дея Кивунинг сўзларидан иқтибос келтиради УЕФА расмий сайти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади