«Интер» ва «Милан» «Каляри» дарвозабони Элиа Каприлени ўз сафига қўшиб олиш имкониятини кўриб чиқмоқда. Бу ҳақда журналист Экрем Конур маълум қилди.
Манба маълумотига кўра, 25 ёшли италиялик дарвозабоннинг ўйини икки клуб эътиборини тортган. Каприленинг «Каляри» билан амалдаги шартномаси 2029 йилда якунланади. Тransfermarkt маълумотларига кўра, унинг трансфер қиймати 12 млн еврога баҳоланмоқда.
Қайд этилишича, шартнома якунланишига икки йил қолганида дарвозабонни сотиш «Каляри» учун қулай имкониятга айланиши мумкин. Бироқ ҳозирча клублар ўртасида трансфер бўйича расмий келишув ҳақида маълумот берилмаган.
Маълумот учун, «Каляри» Италия чемпионатининг дастлабки беш туридан сўнг 12 очко жамғарган ва турнир жадвалида тўртинчи ўринни эгаллаб турибди.
