«Манчестер Сити»нинг норвегиялик форварди Эрлинг Ҳоланд Англия Премер-лигаси 6-тури доирасида «Ливерпул»га қарши «Энфилд»да бўлиб ўтадиган беллашув олдидан фикрларини билдираркан, киноя билан ашаддий рақиблари — «Манчестер Юнайтед» футболчиларини ёдга олди.
«Умид қиламанки, стадиондаги муҳит чинакамига душманларга хос бўлади. «Манчестер Сити» «Энфилд»га «Ливерпул»га қарши майдонга тушиш учун келганида, аслида вазият шундай бўлиши керак. Тахминан худди бизнинг… эм… эм… ким эди? «Манчестер Юнайтед»га қарши ўйинимиз сингари», — деди табассум билан Ҳоланд beIN SPORTS эфирида.
Эслатиб ўтамиз, Премер-лига 6-тур марказий ўйини «Ливерпул» ва «Манчестер Сити» бугун, 11 октябр куни «Энфилд» стадионида бўлиб ўтади ҳамда Тошкент вақти билан 20:30да старт олади.
