Англиянинг «Тоттенҳэм» клуби бош мураббийлик лавозимига Арне Слот номзодини кўриб чиқиши мумкин. Бу ҳақда ESPN нашри хабар бермоқда.
Манба маълумотига кўра, Лондон жамоаси нидерландиялик мутахассисни Роберто Де Зерби ўрнига таклиф қилиш имкониятини ўрганмоқда. Слот аввал ҳам «Тоттенҳэм» бош мураббийлиги учун номзодлар қаторидан жой олган. У 2023 йилда Анж Постекоглу тайинланишидан олдин клуб раҳбариятининг эътиборида бўлган.
«Тоттенҳэм» Англия Премер-лигасининг дастлабки беш туридан сўнг атиги икки очко жамғарган ва турнир жадвалининг сўнгги, 20-ўрнини эгаллаб турибди. Жамоа навбатдаги баҳсини 10 октябр, шанба куни сафарда «Манчестер Юнайтед»га қарши «Олд Траффорд» стадионида ўтказади.
Маълумот учун, Арне Слот 2024 йилда «Ливерпул» бош мураббийига айланган. Унинг «Тоттенҳэм»га тайинланиши ҳозирча эҳтимолий вариант сифатида тилга олинмоқда.
