«Катта дубулға» туркумига кирувчи мусобақаларнинг етти карра чемпиони, дунёнинг учинчи ракеткаси испаниялик теннисчи Карлос Алкарас Шанхайдаги «Мастерс»нинг дастлабки ўйинида аргентиналик рақиби Хуан-Мануэл Серундолони мағлуб этиб, мусобақанинг учинчи босқичига йўлланмани қўлга киритди. Испаниялик теннисчи 1 соат 7 дақиқа давом этган баҳсда 6:3, 6:3 ҳисобида зафар қучди.
Учрашув давомида Хуан-Мануэл Серундоло иккита эйс амалга ошириб, бирорта ҳам қўш хатога йўл қўймади ва бирорта ҳам брейк-пойнтга эга бўлгани йўқ. Алкарас саккиз марта эйс амалга оширди, битта қўш хатога йўл қўйди ва еттита брейк-пойнтнинг учтасидан унумли фойдаланди.
Кейинги даврада Алкарас Игнасио Бусе ва Зизу Бергслар ўртасидаги баҳс ғолиби билан куч синашади.
