«Барселона» президенти Жоан Лапорта яримҳимоячи Ламин Ямалнинг «Олтин тўп»ни қўлга киритишга лойиқлиги ҳақидаги сўзларига муносбат билдирди.
Лапортанинг сўзларига кўра, Ямалнинг бу мавзу бўйича ўз фикрини тўғридан-тўғри айтиши унга ёқади. Шу билан бирга, «Барселона» раҳбари Лионел Месси бундай қилмаганини таъкидлаб ўтди.
«Ямал ғайратга тўлиб-тошган ва ўз футболини намойиш этмоқчи, унинг ўйинчи сифатидаги хизматлари эътироф этилмоқда. Мен унинг нима учун баъзан «Олтин тўп» мавзусида гапираётганини тушунаман. Бу ерда ўзига хос мусобақа бор. Месси ва Роналду даврида бундай ҳолат деярли бўлмаган. Мен учун ҳар доим Месси ғолиб бўлиши керак эди, лекин у ўз номзодини интервюлар орқали илгари суришга уринмасди. Ямалнинг сўзларидан муаммони бўрттириб кўрсатиш керак эмас. Бу вақт ўтиши билан ортда қоладиган 19 ёшли йигитнинг табиий реакцияси», - дея Лапортонинг сўзларидан иқтибос келтиради Mundo Deportivo.
Эслатиб ўтамиз, шанба, 10 октябр куни «Барселона» Ла Лига навбатдаги тури доирасида «Хетафе»ни қабул қилади.
