«Арсенал» яримҳимоячиси Бруно Гимараэс «Лидс» устидан қозонилган ғалаба ва расмий ўйинда лондонликларнинг уй стадионидаги илк голи ҳақида гапирди. Англия Премер лигаси олтинчи тур доирасида лондонликлар 2:1 ҳисобида иродали ғалабани нишонлашди.
«Бу ажойиб туйғу. «Брайтон» билан ўтган ўйинда, менимча, ўз даражамизни кўрсата олмадик. Бугун ўша муваффақиятсизликка тўғри муносабат билдириш муҳим эди», - деди футболчи TNT Sports’га берган интервюсида.
«Мен учун максимал даражада ҳаракат қилиш ва мураббийга таркиб танловда бироз бош оғриғи яратиш муҳим. Бу ерда биринчи голимни урганимдан хурсандман. Бу муҳим гол».
Эслатиб ўтамиз, «Арсенал» 15 очко билан иккинчи ўринда бормоқда. «Манчестер Сити»да ҳам худди шунча очко мавжуд бўлиб, «шаҳарликлар» захирасида битта ўйин бор. «Лидс» эса 9 очкоси билан қолмоқда ва ҳозирча бешинчи ўринни банд этиб турибди.
